آج ٹی وی کی افطار ٹرانسمیشن میں میزبان مایا خان سے گفتگو کرتے ہوئے پاکستانی اداکارہ ثروت گیلانی نے بتایا حالیہ بچے کی پیدائش کے موقع پر ہونے والی سرجری 6 گھنٹے چلی جبکہ نارمل ڈیلیوری 20 منٹ میں ہوجاتی ہے ۔

اسی دوران ایک ایسا موقع بھی آیا کہ جس میں ماں یا بچے کسی ایک کو بچانے کے لمحات تھے لیکن لوگوں کی دعائیں بہت زیادہ تھیں اس لیے اللہ نے سب بہتر کیا ۔

ثروت گیلانی نے اپنے نئے بچے کا نام ایلا نور کے حوالے سے بتایا کہ جب میں حاملہ تھی تو بہت سے لوگوں نے کہا کہ تمھارے چہرے پر نور آیا ہے اور مجھے ایلا نام پسند تھا جس کے معنی ہے بہت خوبصورت، اسی وجہ ان دونوں کو ملا کر بیٹی کا نام ایلا نور رکھا ۔

یاد رہے کہ اداکارہ ثروت گیلانی اور فہد مرزا2014 میں رشتہ ازدواج میں منسلک ہوئے تھے، معروف جوڑے کے ہاں گزشتہ برس دسمبر میں تیسرے بچے کی پیدائش ہوئی ۔

اس سے قبل اداکار جوڑی کے دو بیٹے روحان مرزا اور آریز مرزا ہیں، روحان کی پیدائش 2015 اور آریز کی پیدائش 2017 میں ہوئی تھی۔