گزشتہ روز ملتان سلطانز اور اسلام آباد یونائیٹڈ کے درمیان فائنل میچ کراچی کے نیشنل اسٹیڈیم میں کھیلا گیا تھا۔

تاہم سنسنی خیز مقابلے کے بعد اسلام آباد یونائیٹڈ نے ملتان سلطانز کو شکست دے کر پی ایس ایل 9 کی ٹرافی اپنے نام کر لی۔

اس سب میں شاداب خان اور ان کی اہلیہ کے درمیان ہونے والی گفتگو اگرچہ وہ سنی نہیں جا سکتی، تاہم محبت سب نے خوب دیکھی۔

ویڈیو میں دیکھا جا سکتا ہے کہ شاداب کی اہلیہ جیت کی خوشی میں شوہر کو داد دی، ساتھ ہی دونوں کے درمیان گفتگو بھی ہوئی، تاہم اس دوران شاداب کی اہلیہ کو تکتے مناظر صارفین کو بھا گئے۔

بعدازاں شاداب نے گلے میں پہنے میڈل کو اپنی والدہ کو دے دیا اور خود انہیں پہنایا۔ جبکہ اپنا ایوارڈ اہلیہ کو دے دیا۔

واضح رہے اس سے قبل پی ایس ایل کی شروعات سے پہلے شاداب خان اہلیہ کو شادی کی پہلی سالگرہ پر عمرے پر لے گئے تھے، ساتھ ہی ان کا کہنا تھا کہ وہ عمرے سے بڑا تحفہ کچھ نہیں۔

جبکہ کھلاڑی کراچی کنگز کے شان مسعود سے بحث کے باعث بھی سوشل میڈیا پر چرچہ میں تھے۔