میڈیا سے گفتگو میں طارق بگٹی نے کوئٹہ میں ہاکی ٹورنامنٹ کروانے کا اعلان کرتے ہوئے کہا کہ عید کے بعد ہاکی کا میگا ٹورنامنٹ کوئٹہ میں ہوگا۔ فیڈریشن کے دروازے سب کیلئے کھلے ہیں، ہاکی کے فروغ کیلئے تمام وساٸل بروئے کار لائیں گے۔

دوسری جانب پاکستان ہاکی فیڈریشن کی نومنتخب صدر شہلا رضا نے بھی پریس کانفرنس کی اور کہا کہ کانگریس نے یکم مارچ کو اجلاس طلب کیا تھا، انیس مارچ کو کانگریس میٹنگ میں چاروں صوبوں سے نمائندے بلائے گئے، سب کے متفقہ فیصلے کے بعد طارق بگٹی کو ہٹانے کا فیصلہ کیاگیا۔

شہلا رضا کا مزید کہنا تھا کہ طارق بگٹی کو الیکشن اور اسکروٹنی کرانے کا ٹاسک دیا گیا تھا، خالد سجاد کھوکھر کو ہٹا کر طارق بگٹی کو صدر بنایا گیا، دعوے بڑے کیے گئے اور کام صفر رہا ہے۔

ہاکی فیڈریشن کانگریس کے خصوصی اجلاس پاکستان اسپورٹس کمپلیکس اسلام آباد میں ہوا جس میں اسپورٹس بورڈ اور پاکستان اولمپک ایسوسی ایشن کے نمائندوں نے شرکت کی۔