آج ٹی وی کی افطار ٹرانسمیشن باران رحمت میں میزبان مایا خان سے گفتگو کرتے ہوئے ڈاکٹرعلی کا کہنا تھا کہ رمضان المبارک میں سانس کی بدبو کا مسئلہ عام ہے۔ اس کی وجہ منہ میں بیکٹیریا جمع ہونا، لعاب کی پیداوار میں کمی ہے۔

ان کا کہنا تھا کہ سگریٹ نوشی کرنے والوں کے پاس سگریٹ کم کرنے کا یہ بہترین موقع ہے سگریٹ نوشی منہ میں خشکی کو بڑھاتی ہے۔ منہ میں پانی کی کمی اور بیکٹیریا کے پھیلاؤ کا سبب بنتی ہے۔

انہوں نے بتایا کہ کوشش کریں میٹھے کا استعمال کم سے کم کریں اور دن میں کم سے کم 2 مرتبہ برش ضرور کریں ۔

ڈاکٹر علی کا مزید کہنا تھا کہ رمضان کے مہینے کا فائدہ اٹھاتے ہوئے کوشش کریں کہ ہر سال رمضان میں ہی مسوڑوں کی صفائی ضرور کروایں ۔