آج ٹی وی کی افطار ٹرانسمیشن باران رحمت میں اداکار اور کامیڈین عادی عدیل امجد اور اداکار فیضان شیخ نے خصوصی شرکت کی ، پروگرام میں دونوں اداکاروں نے اپنی دلچسپ باتوں سے مزاح کا تڑکا لگادیا ۔

ڈھیر ساری مزاحیہ گفتگو کے ساتھ ساتھ سنجیدہ گفتگو کرتے ہوئے عادی عدیل امجد کا کہنا تھا کہ رمضان المبارک میں لوگ پکوڑے اور سموسے لینے کیلئے بھی نکلتے ہیں تو آپے سے باہر ہوجاتے ہیں اور غصہ کرتے ہیں ۔

ان کا کہنا تھا کہ ہمارے اندر صبر نام کی چیز ختم ہوگئی ہے یہی وجہ ہے کہ کوئی جتنا بھی کامیاب ہوجائے لیکن اس کو سکون حاصل نہیں ہوتا اور وہ سکون صرف اس وقت ملتا ہے جب آپ اپنے اندر برداشت پیدا کرتے ہیں ۔

پروگرام میں دونوں مہمانوں نے مزاح سے بھرپور اپنے منفرد انداز میں دلچسپ گفتگو کی