اینٹی کرپشن عدالت کے جج ارشد حسین بھٹہ نے پنجاب اسمبلی میں غیر قانونی بھرتیوں کے مقدمے کی گزشتہ سماعت کا تحریری حکم نامہ جاری کردیا۔

تحریری فیصلے میں کہا گیا کہ سینٹرل جیل راولپنڈی نے پرویز الہی کی میڈیکل رپورٹس جمع کروائی 17 مارچ کو پرویز الہٰی واش روم میں گر گئے، جس سے ان کی پسلی فریکچر ہوئی، میڈیکل افسر نے پرویز الہیٰ کو 2 ہفتوں کے آرام کا مشورہ دیا۔

فیصلے میں مزید کہا گیا کہ 17 مارچ کو ملزمان کو عدالت میں پیش نہ کیا گیا، جس کے باعث فرد جرم عائد نہیں کی جاسکی۔

عدالت نے آئندہ سماعت پر پنجاب اسمبلی میں جعلی بھرتیوں کے مقدمے میں چوہدری پرویز الٰہی، محمد خان بھٹی سمیت دیگر ملزمان کو چار اپریل کو فرد جرم کے لیے طلب کر لیا۔