ذرائع کے مطابق پی آئی اے شیئرز فروخت سے متعلق جلد بین الاقوامی مارکیٹ میں اشتہارات شائع کیے جائیں گے، حکومت کے بین الاقوامی سرمایہ کارگروپس سے رابطے شروع ہوگئے۔

بین الاقوامی سطح پر اشتہارات برائے نیلامی دیے جائیں گے، ترکی، ملائشیا، قطر، یو اے ای، جرمنی، فرانس اور نیدرلینڈز کے انویسٹرز نے پی آئی اے خریدنے میں دلچسپی ظاہر کی ہے۔

پی آئی اے یونین نے نجکاری کے خلاف ردعمل دینے کی تیاریاں شروع کردیں۔

پاکستان نے پی آئی اے کی فروخت کے لیے ورلڈ بینک انٹرنیشنل فنانس کارپوریشن کی خدمات حاصل کرنے کا فیصلہ کرلیا، تمام پی آئی اے جہاز اور روٹس کے علاوہ انجینئرنگ، کیٹرنگ اور کارگو سمیت متعدد شعبے بھی ڈیل میں شامل ہوں گے۔

ملک کے 3 بڑے ائرپورٹس اسلام آباد، کراچی اور لاہور بھی آئوٹ سورس کرنے کا فیصلہ ہوچکا ہے، لاہور، اسلام آباد ائرپورٹ آزمائشی بنیادوں پر آوٹ سورس ہوچکا۔

ذرائع کے مطابق وزارت ہوا بازی حکام کو معاملے پراہم ذمہ داریاں سونپ دی گئیں، پاکستانی سفیروں کے ساتھ اجلاس بلاکربین الاقوامی کمپنیوں کے ساتھ سرمایہ کاروں کوآئوٹ سورسنگ میں سرمایہ کاری کے لیے قائل کیا جائے گا، بیرون ملک پاکستانی سفیروں کو پاکستان ایوی ایشن حکام کی طرف سے تیارکردہ مخصوص بریف دی جائے گی۔