تفصیلات کے مطابق گوادر میں سانجی پہاڑی علاقے میں سیکورٹی فورسز کے بم ڈسپوزل اسکواڈ پر فائرنگ کا واقعہ پیش آیا، واقعہ اس وقت پیش آیا جب بم ڈسپوزل ٹیم چوکیوں کی طرف جانے والے راستے پر رواں تھے۔

اتوار کی صبح 9 بجے کے قریب گوادر میں 32 پنجاپ رجمنٹ آرمی کی بی ڈی ٹیم پر آنکاڈہ ڈیم کے نزدیک مسلح افراد نے حملہ کیا، جس کے نتیجے میں 2 سیکیورٹی اہلکار شہید اور 4 زخمی ہو گئے۔

جاں بحق ہونے والوں میں سپاہی ظہور اور سپاہی الطاف شامل ہیں جبکہ حملے میں سپاہی ساجد حسین، تجمل حسین، ابرار احمد اور گل حیدر زخمی ہوئے۔

جاں بحق اور زخمی سپاہیوں کو طبی امداد، علاج اور ضروری کارروائی کے لیے جی ڈی اے اسپتال منتقل کیا گیا۔

بعد ازاں سیکیورٹی فورسز کی بھاری نفری نے علاقے کا محاصرہ کرلیا۔

مزید پڑھیں

گوادر حملے میں ہلاک دہشتگرد بلوچ اسٹوڈنٹ آرگنائزیشن کا ’لاپتہ‘ کارکن نکلا

لاپتہ افراد کی فہرست میں شامل بھائی دہشت گرد تنظیم کا رکن تھا، گوادر حملے میں ہلاک کریم کی بہن کا بیان