رپورٹ میں بتایا گیا کہ سکیورٹی ایجنسیوں کی رپورٹ پر سوشل میڈیا پلیٹ فارم کو بند کیا گیا۔

وزارت داخلہ نے اپنی رپورٹ میں کہا کہ انٹرنیٹ پر اپ لوڈ مواد سے ملکی امن کو خطرہ تھا۔

ہائیکورٹ کے چیف جسٹس عامر فاروق نے اظہار برہمی کرتے ہوئے ریمارکس دیے کہ نہ فائل لائے ہیں نہ دستاویزات جمع کرائی ہیں۔

انھوں نے مزید کہا کہ رپورٹ میں کوئی وجوہات جمع نہیں کرائی گئیں، یہ کونسا طریقہ ہے، یہ کیا رویہ ہے۔

عدالت عالیہ نے کیس کی سماعت 17 اپریل تک ملتوی کردی۔