طالبات نے اسکول کی زمین پر زمیندار کا گھر اور دکانیں بنانے کی شکایت کی تھی۔ ایس ڈی پی او سنانواں نے ان کی شکایت سُنی۔ اور موقع پر پہنچ کر معاملات کا جائزہ لیا تو شکایت درست ثابت ہوئی۔

ڈی ایس پی سنانواں نے مقدمہ درج کرکے زمیندار کو گرفتار کیا اور اسسٹنٹ کمشنرمحمد اصغر اقبال لغاری کی نگرانی میں غیر قانونی مکانوں اور دکانوں کو مسمار کردیا گیا۔

ڈی پی او سید حسنین حیدر نے طالبات کو ان کی ہمت پر شاباش دی۔ ڈی پی او سید حسنین حیدر کا کہنا ہے کہ ایس ڈی پی او سنانواں طاہر اعجاز فوری کارروائی پر خراج تحسین کے مستحق ہیں۔