بھارتی ریاست مدھیا پردیش کے گوالیر شہر کے کاؤنسلر اور بھارتی جنتا پارٹی کے رہنما دویندرا سنگھ راٹھور نے الیکشن مہم میں ووٹ مانگنے کے لیے مین ہول کی صفائی شروع کر دی۔

بھارتی میڈیا کے مطابق بی جے پی کے امیدوار کا کہنا تھا کہ مجھے اس کام کے لیے مجبور کیا گیا ہے۔

رہنما کی جانب سے الزام عائد کیا گیا ہے کہ شہر انتظامیہ کے پاؤن پکڑ لیے مگر علاقے میں سیورج کے مسائل کا حل نہیں ںکالا گیا۔

یہی وجہ ہے کہ اب مجبور ہو کر ہمیں خود مین ہول کی صفائی کرنا پڑ رہی ہے۔

جبکہ درویندرا راٹھور نے کنٹریکٹر اور میونسپل کارپوریشن افسران پر غیر ذمہ دارانہ عمل اور ناقص کارکردگی کا الزام عائد کیا، جبکہ انہوں نے دعویٰ بھی کیا کہ موجودہ پری الیکشن پابندیوں نے انہیں گٹر میں اترنے پر مجبور کیا ہے۔

دوسری جانب ویڈیو سوشل میڈیا پر وائرل ہو گئی ہے، جہاں صارفین دلچسپی اور حیرانگی کا اظہار کرتے دکھائی دے رہے ہیں۔