انسداد کرپشن بلوچستان کے ڈائریکٹر جنرل عبدل واحد کاکڑ نے کہا ہے کہ صوبے سے کرپشن کے خاتمے کے لئے ان کا محکمہ دائرہ کار کو وسعت دے رہا ہے۔

جبکہ رواں سال کرپشن کے 6 مقدمے درج کرائے گئے اختیارات بڑھانے کے لئے اہم قانوان سازیی بھی تجویز کی گئی ہے۔

عبدالواحد کاکڑ نے میڈیا کو بتایا کہ تحقیقات سے پتہ چلا کہ ملزم نے اسکول کی نصابی کتابوں کی اشاعت اور کنٹریکٹ ایوارڈز میں غیر قانونی طور پر ٹھیکیداروں کی حمایت کی۔

اے سی ای بی کی تحقیقاتی ٹیم کے ڈپٹی ڈائریکٹر جناب کامران بشیر نے تصدیق کی کہ ٹھوس الزامات کے بعد ڈی جی اے سی ای بی کی منظوری سے سابق چیئرمین بورڈ کے خلاف بدعنوانی کا مقدمہ درج کیا گیا ۔

کامران بشیر نے مزید کہا کہ محکمہ اینٹی کرپشن اس مقدمے کی بھرپور پیروی کر رہا ہے اور ملزم کےبیانات کی بنیاد پر مزید کارروائی کی جائے گی۔

عبدالواحد نے میڈیا کو مزید بتایا کہ ایک اور مقدمے میں،اے سی ای بی کی خصوصی ٹیموں نے کوئٹہ میں ایک جعلی دفتر پر چھاپہ مارکر محکمہ پاپولیشن اینڈ ویلفیئر ڈیپارٹمنٹ کے ایک ملازم کو گرفتار کر لیا جو جعلی محکمانہ بھرتیوں کے لیےعام شہریوں سے رشوت لینے میں مصروف تھا۔

انہوں نے بتایا کہ جعلی بھرتیوں کے اسکینڈل اور کوئٹہ کے معصوم شہریوں کے استحصال میں ملوث افراد کے خلاف یہ کارروائی عوامی شکایات پر کی گئی۔

عبدالواحد کاکڑ نے مزید بتایا کہ تیسرے معاملے میں، اے سی ای بی نے پبلک سیکٹر ڈویلپمنٹ پروگرام اسکیموں کے لیے مختص سرکاری فنڈز کے غلط استعمال پر کمیونیکیشن اینڈ ورکس ڈیپارٹمنٹ کے ملازمین کے خلاف ایف آئی آر درج کی ۔

انہوں نے اس بات پر زور دیا کہ اے سی ای بی کے اہلکار، صوبے بھر میں انسداد بدعنوانی مہم کے تحت صوبائی پبلک سیکٹر ڈویلپمنٹ پروگراموں کی مختلف ترقیاتی سکیموں کی چھان بین کر رہے ہیں، جس میں ایک سکیم میں بڑے پیمانے پر بے ضابطگیوں اور سرکاری فنڈز کے غلط استعمال کا پردہ فاش ہوا۔

ڈائریکٹر جنرل اے سی ای بی عبدالواحد کاکڑ نے محکمے کے اقدامات کی حمایت کے لیے میڈیا کا شکریہ ادا کیا اور آنے والے مہینوں میں مزید پیشرفت کے لیے امید ظاہر کی۔