پولیس کے مطابق ملزمان نے پنجاب سے آئے 2 شہریوں کو بہادرآباد سے اغوا کیا تھا، ملزمان نے مغویوں کی رہائی کیلئے 2 کروڑ روپے تاوان طلب کیا تھا۔

ایس ایس پی ای وی سی سی ظفر صدیق چھانگا کا کہنا ہے کہ اے وی سی سی اور سی پی ایل سی نے ٹیکنیکل بنیادوں پر سائٹ ایریا میں کارروائی کی۔

انھوں نے بتایا کہ ملزمان نے پولیس کو دیکھ کر فائرنگ شروع کردی تھی، جوابی فائرنگ میں چار زخمیوں سمیت پانچ ملزمان کو گرفتار کیا گیا۔

ظفر صدیق نے مزید بتایا کہ کارروائی کے دوران دونوں مغویوں کو باحفاظت بازیاب کروالیا گیا ہے۔

اس حوالے سے پولیس نے مزید بتایا کہ ملزمان سے اسلحہ بھی برآمد ہوا، واقعہ کی مزید تفتیش کی جارہی ہے۔