ضیا الحسن لنجار نے شہر میں امن وامان کا جائزہ لینے کے دوران آج نیوز سے گفتگو کی۔ انھوں نے کہا کہ شہر میں جرم کا خاتمہ کرنے کے لئے خود نکل پڑا ہوں، امن و امان کی صورتحال میں بہتری آجائے گی۔

ان کا کہنا ہے کہ کراچی میں پولیس اوررینجرز کے جوان سڑکوں پر گشت کررہے ہیں، اسٹریٹ کرائم کا مسئلہ ہے لیکن پولیس بھی جرائم کےخلاف کارروائیاں کررہی ہے۔

اس کے علاوہ ایک بیان میں ضیاا لحسن نے کہا کہ ایک ہفتے کے دوران پولیس کارروائیوں میں متعدد ڈاکو مارے گئے اور کچھ زخمی حالت میں گرفتار بھی ہوئے۔

انکا مزید کہنا تھا کہ پولیس کو کافی کیسز کی تحقیقات میں پیشرفت ہوئی ہے، جبکہ کچھ کیسز میں ملزمان کو ٹریس بھی کرلیا گیا ہے، عید کے بعد گرفتار ملزمان اور تفتیش سے متعلق میڈیا کو آگاہ کیا جائے گا۔