ریاست کرناٹک میں بھی چاند نظر نہیں آیا لیکن کیرالہ نے نظر آنے کی تصدیق کی ہے۔

جن علاقوں میں چاند نظر آنے کا اعلان کیا گیا وہاں بدھ کو عید الفطر منائی جائے گی۔ اور دیگر علاقوں میں جمعرات کو عید ہوگی۔

ماہرین کا خیال ہے کہ مکمل سورج گرہن کے سبب چاند کی رویت متاثر ہوئی ہے۔ رپورٹس میں دعویٰ کیا گیا ہے کہ چاند گرہن کے فوراً بعد ہلال کا چاند نظر نہیں آئے گا - اس لیے چاند نظر آنے میں تاخیر ہو رہی ہے۔

بنگلہ دیش میں چاند نظر نہیں آیا

بنگلہ دیش میں چاند نظر نہ آنے کا اعلان کردیا گیا۔ عید الفطر جمعرات کو ہوگی۔

ڈھاکہ ٹریبون کے مطابق چاند نظر نہ آنے کا اعلان قومی رویت ہلال کمیٹی نے کیا۔ اجلاس کی صدارت وزیر مذہبی امور فریدالحق خان نے کی۔

گزشتہ روز سعودی عرب سمیت دیگر عرب ریاستوں میں شوال کا چاند نظر نہیں آیا تھا، جس کے بعد سعودی سپریم کورٹ نے عیدالفطر 10 اپریل کو منانے کا اعلان کیا گیا تھا۔

خلیجی ریاستوں قطر اور متحدہ عرب امارات، اور افغانستان میں عید بدھ کو منائی جائے۔

دوسری جانب لندن میں مرکزی جماعت اہل حدیث برطانیہ نے 10 اپریل کو عیدالفطر منانے کا اعلان کردیا۔ آسٹریلوی فتویٰ کونسل نے آسٹریلیا میں عیدالفطر 10 اپریل کو منانے کا اعلان کیا ہے