کراچی میں میڈیا سے گفتگو میں حافظ نعیم الرحمان نے کہا کہ رمضان میں 20 شہری ڈکیتی مزاحمت پر قتل ہوئے، کچے اور پکے دونوں میں ڈاکو راج ہے۔

انھوں نے کہا کہ یہ عید ہم غزہ کے نام کرتے ہیں، اہل غزہ کی مدد کے لئے کوئی نہیں پہنچ رہا، پوری امت اور باضمیر لوگوں کو اٹھنا پڑے گا، آج اگر فلسطینی دہشت گردی کا شکار ہیں تو کل کوئی اور ہوگا۔

ان کا کہنا تھا کہ زخمی فلسطینیوں کو راستہ دیا جائے تاکہ ان کا علاج ہوسکے، ہم چاہتے ہیں پوری دنیا مل کر اسرائیل پر دباؤ ڈالے۔