بلال عباس نوجوان نسل کے پسندیدہ اداکار ہیں۔ اور ان کے مداح ہر جگہ موجود ہیں۔ اور وہ جو کچھ بھی کرتے ہیں، ان کے مداح ان کا پیچھا کرتےرہتے ہیں۔

آج کل یہ فنکار اپنی فنی مصروفیات ترک کر کےاپنی فیملی کے ساتھ عمرے کی ادائیگی کے لیے سعودی عرب گئے ہوئے تھے۔

بلال عباس اپنی ذاتی زندگی کو زیادہ شیئر نہیں کرتے ہیں، لیکن انکے مداح ان کے تعاقب میں ہمیشہ لگے رہتے ہیں،خواہ وہ عمرے کی ادائیگی ہی کیوں نہ ہو۔

ایسی ہی ایک ویڈیو ان کے ایک مداح نے ان کی طواف کرتے ہوئے بنالی، جو سوشل میڈیا پر وائرل ہو گئی۔ ویڈیو میں بلال عباس اپنے اہل خانہ کے ساتھ طواف کرنے میں مشغول نظر آرہے تھے۔

سوشل میڈیا صارفین نےانہیں عمرے کی ادائیگی پر مبارکباد کے پیغامات دیے ہیں۔اور کئی صارفین نے انہیں اپنی نیک خواہشات بھی پہنچائی ہیں۔