متاثرہ لڑکی نے دس اپریل کو گاڑی بک کروائی تھی، لڑکی نے پولیس کو دیے گئے بیان میں کہا کہ ڈرائیو نے چلتی گاڑی میں اسلحہ نکال لیا اور زیادتی کی کوشش کی، اسلحہ دیکھ کر میں نے شور مچایا۔

پولیس کو دیے گئے بیان میں لڑکی نے مزید بتایا کہ شور مچانے پر ڈرائیور نے تشدد کیا اور زیادتی کی کوشش کی۔ ڈرائیور گاڑی بھگاتا ہوا اندھیرے میں لے گیا، اس کے بعد دوبارہ یو ٹرن لیا اور گھر کی طرف گاڑی لے جانے لگا۔

لڑکی کا کہنا تھا کہ کسی شہری کی گاڑی دیکھ کر میں نے گاڑی کا ہارن بجا دیا، جس پر مجھے پستول سے دوبارہ تشدد کا نشانہ بنایا گیا۔ اس کے بعد ڈرائیور نے پستول مار کر واقعہ سے متعلق کسی کو آگاہ نہ کرنے کی دھمکیاں دیں اور فرار ہوگیا۔

پولیس کا کہنا ہے کہ سوسائٹی کی سی سی ٹی وی فوٹیج کی مدد سے ملزم زین رؤف کو گرفتار کیا گیا، ملزم کے قبضے سے گاڑی اور اسلحہ بھی برآمد کیا گیا۔

اس حوالے سے پولیس نے مزید بتایا کہ واقعہ 10 اپریل کو پیش آیا، شکایت پر 13 اپریل کو تھانہ گڈاپ سٹی میں واقعے کا مقدمہ درج کیا گیا۔

پولیس نے بتایا کہ ملزم نے گاڑی پر جعلی نمبر پلیٹ لگا رکھی تھی، تفتیشی ٹیم نے ملزم کا دو دن کا ریمانڈ حاصل کرلیا ہے۔