ذرائع کے مطابق آج ہونے والے معاہدوں کو وزیراعظم کے دورہ سعودی عرب کے دوران حتمی شکل دئے جانے اور ان پر دستخط کا امکان ہے۔

خیال رہے کہ سعودی وزیر خارجہ کی سربراہی میں اہم سعودی وفد پاکستان کے دو روزہ دورے پر ہے، اس دوران اہم ترین معاہدے متوقع ہیں۔

ذرائع کا کہنا ہے کہ سعودی عرب کی جانب سے 28 اور 29 اپریل کو ورلڈ اکنامک فورم کا انعقاد کیا جائے گا، ورلڈ اکنامک فورم میں دنیا بھر سے رہنما شرکت کریں گے، وزیراعظم ریاض میں سرمایہ کاری کونسل میں شرکت کریں گے۔

ذرائع کا یہ بھی کہنا ہے کہ سعودی ولی عہد کی جانب سے مئی میں دورہ پاکستان کے دوران معاہدوں پر دستخط کئے جائیں گے۔