امریکی محکمہ خارجہ کے ترجمان نے اپنے ایک بیان میں کہا کہ کسی بھی ملک کو دہشت گردی کا شکار نہیں ہونا چاہئے، ہم دہشت گردی سے نمٹنے کیلئے پاکستان کی کوششوں کی حمایت کرتے ہیں۔

انہوں نے کہا کہ ہم چاہتے ہیں افغانستان دوبارہ کبھی دہشت گردوں کیلئے محفوظ پناہ گاہ نہ بنے، ہم انسداد دہشت گردی کیلئے پاکستانی رہنماؤں کے ساتھ رابطے میں ہیں۔

میتھیو ملر نے مزید کہا کہ بین الاقوامی قانونی حیثیت کیلئے طالبان کو اپنے وعدے پورے کرنا ہوں گے، افغانستان ان دہشتگردوں کے لیے محفوظ پناہ گاہ نہ بنے جو امریکا یا اس کے اتحادیوں کو نقصان پہنچانا چاہتے ہیں۔