پیپلزبس سروس کی افتتاحی تقریب میں شرجیل انعام میمن نے مزید کہا کہ پارٹی قیادت اپنے وعدے پورے کر رہی ہے، مہنگائی سے پیسےعوام کو ریلیف دینے کیلئے کوشاں ہیں۔

انھوں نے کہا کہ میرپورخاص میں پیپلزبس سروس شروع کی جارہی ہے، شہر میں ایئرکنڈیشن بس سروس شروع ہورہی ہے۔

شرجیل میمن نے کہا کہ میرپورخاص کےعوام کو ٹرانسپورٹ کی ضرورت ہے، حکومت ، کراچی،لاڑکانہ،سکھراور حیدرآباد میں بس سروس شروع کرچکی ہے۔

انھوں نے کہا کہ خواتین کیلئے پنک بس سروس شروع کی، دنیا میں کہیں بھی خواتین کیلئے مخصوص بسز نہیں ہیں۔

ان کا کہنا تھا کہ کچھ سیاسی قائدین نےعوام کوغلط سمت میں لگا دیا، نفرت کی سیاست کرنے والےجیلوں میں پڑے ہیں۔

انھوں نے کہا کہ 9 مئی ملک کی تاریخ کا بدترین دن تھا، پی ٹی آئی نے ایمبولینسز اور بسز جلائیں، جناح ہاؤس لاہورمیں بھی آگ لگائی گئی۔

شرجیل میمن نے یہ بھی کہا کہ جلاؤ گھیراؤ کے کلچر کو ختم کیا جانا چاہئے، یہ سہولیات عوام کیلئے ہیں، سیاست کی نذر نہیں ہونی چاہئیں۔