حالیہ عرصے میں ایک ہی دن ہونے والی یہ ریکارڈ کمی ہے۔ آج نیوز کے صفدر عباس کا کہنا ہے کہ پہلی بار اتنی بڑی کمی ہوئی ہے۔

کمی کے بعد فی تولہ سونا 2 لاکھ 40 ہزار 900 روپے کا ہو گیا۔

دس گرام سونے کی قیمت میں 6687 روپے کمی ہوئی ہے۔ دس گرام سونے کی قیمت دو لاکھ چھ ہزار 533 روپے ہوگئی۔

سونے کی کمی کا سبب عالمی مارکیٹ میں کمی کو قرار دیا ہے جہاں نرخ 72 ڈالر فی اونس کم ہوئے ہیں۔

صرافہ ایسوسی ایشن کے حاجی ہارون نے آج نیوز کو بتایا کہ ایران اسرائیل کشیدگی میں کمی کے سبب سونے کی قیمت میں کمی ہوئی ہے۔ اس سے پہلے کشیدگی بڑھنے پر سونے کی قیمت میں اضافہ ہو رہا تھا۔