سپریم کورٹ کی طرف سے جاری کردہ کاز لسٹ کے مطابق تمام درخواستیں 30 اپریل کو مرکزی کیس کے ساتھ سنی جائیں گی۔

پاکستان بار کونسل کے نمائندوں اور شہباز کھوسلہ کی درخواستیں بھی سماعت کے لیے مقرر کردی گئی ہیں، اسلام آباد ہائیکورٹ بار اور سندھ ہائیکورٹ بار کی درخواستیں بھی سنی جائیں گی۔

علاوہ ازیں بلوچستان کی وکلا تنظیموں اور میاں داؤد ایڈووکیٹ کی درخواست بھی سماعت کے لیے مقرر کردی گئی۔

ان تمام درخواستوں میں سپریم کورٹ آف پاکستان سے استدعا کی گئی ہے کہ اس معاملے کا جائزہ لے کر جامع تحقیقات کرائی جائے۔

سپریم کورٹ کے ججوں نے اپنے خط میں شکایت کی ہے کہ انہیں مختلف طریقوں سے دھمکایا جارہا ہے اور مختلف حوالوں سے دباؤ ڈال کر ان کی کارکردگی پر اثر انداز ہوا جارہا ہے۔