غیر ملکی میڈیا کے مطابق کہیں بارش جاری ہے تو کہیں گرمی کی شدید لہر ہے، بنگلہ دیش میں ہیٹ ویو نے تباہی مچا دی، ملک بھر میں نماز استسقا کے اجتماعات منعقد کیے گئے۔

بنگلہ دیش میں شدید گرمی اور ہیٹ ویو کے باعث ہزاروں اسکولوں اور مدارس بند کرکے طلبا کو چھٹی دے دی گئی۔

وسیع پیمانے پر سائنسی تحقیق سے پتہ چلا ہے کہ آب و ہوا کی تبدیلی گرمی کی لہروں کو طویل، زیادہ کثرت اور زیادہ شدید ہونے کا سبب بن رہی ہے، ہیٹ ویو سے روزمرہ امور بری طرح متاثر ہورہے ہیں۔

بنگلہ دیش کے محکمہ موسمیات کا کہنا ہے کہ گزشتہ ایک ہفتے کے دوران دارالحکومت ڈھاکہ میں اوسط زیادہ سے زیادہ درجہ حرارت 45 ڈگری سینٹی گریڈ ریکارڈ کیا گیا،صورتحال ایسی ہی رہیں تو مزید گرمی ہو گی۔