ایران کی مھر نیوز ایجنسی کی رپورٹ کے مطابق ہرات میں واقع مسجد پر حملہ ہوا اور واقعے میں کم از کم 7 افراد جاں بحق اور متعدد افراد زخمی ہوئے ہیں۔

دوسری جانب افغانستان میں طالبان کی عبوری حکومت کے حکام نے ابھی تک مذکورہ واقعہ پر کوئی بیان جاری نہیں کیا ہے۔ طلوع نیوز سمیت افغانستان کے مرکزی دھارے کے میڈیا پر بھی اس حوالے سے ایک دن تک خاموشی رہی۔ منگل کو طلوع نیوز نے خبر دی کہ ایران کے سفارتخانے نے حملے کی مذمت کی ہے۔

افغانستان کے سابق صدر حامد کرزئی نے بھی مذمت کا اظہار کیا ہے۔

علاوہ ازیں ابھی تک کسی گروپ نے اس واقعے کی ذمہ داری قبول نہیں کی۔