اینگرو کی جانب سے جاری اعلامیے میں کہا گیا کہ عدالت نے ڈائریکٹر عبدالصمد داؤد اور سابق سی ای او کو بھی بری کیا۔

اعلامیے میں کہا گیا کہ ایل این جی کنٹریکٹ ایوارڈ میں کسی بھی قسم کی بے قاعدگی سامنے نہیں آئی، ثابت ہوا ایل این جی کنٹریکٹ میں قومی خزانے کو کوئی نقصان نہیں پہنچایا گیا، ایل این جی ٹرمینل توانائی کی ضروریات میں اہم کردار ادا کررہا ہے۔

اینگرو کارپوریشن کا کہنا ہے کہ احتساب عدالت کے فیصلے کا خیرمقدم کرتے ہیں، کارپوریشن نے کاروباری معاملات میں ہمیشہ شفافیت کو فروغ دیا ہے۔