راگھو چڈھا کے بھارتی چناؤ میں حصہ نہ لینے کی خبروں پر بھارتی وزیر سوربھ بھاردواج نے بھارتی میڈیاکو بتایا کہ راگھو کا انتخابی مہم کا حصہ نہ بننا ان کی آنکھوں کے پیچیدہ مسائل ہیں اور سرجری کی وجہ سے وہ لندن میں مقیم ہیں۔

بھارتی وزیر کے مطابق راگھو کے ریٹینا میں سوراخ ہے جس کے باعث ان کی نظر بھی جاسکتی ہے۔

بھارتی میڈیا کے مطابق ان کے خاندانی ذرائع کا بتانا ہے کہ راگھو کی آنکھوں کی بیماری سنگین نوعیت کی ہے اسی لیے فوری طور پر سرجری کی گئی، اس وقت وہ مکمل بیڈ ریسٹ پر ہیں۔

دوسری جانب بھارتی میڈیا کا یہ دعویٰ ہے کہ راگھو کی اہلیہ اداکارہ پرینیتی چوپڑا بھی ان دنوں لندن میں شوہر کے ساتھ ہی ہیں، ان کی سرجری کردی گئی ہے اور ڈاکٹرز نے انہیں گھر بھیج کر آرام کا مشورہ دیا ہے۔

واضح رہے کہ راگھو چڈھا ایک سیاستدان ہیں اور ان کا تعلق عام آدمی پارٹی سے ہے۔ راگھو کی شاد ی پرینیتی چوپڑا سے 24 ستمبر 2023 میں ہوئی تھی۔