نیشنل اکیڈمی آف پرفارمنگ آرٹس میں آج ڈرامہ رئیسہ کا رمضان پیش کیا گیا۔

ڈرامے میں معاشرے میں پھیلی ہوئی برائی اور نیکی سے متعلق سماجی مسائل پر توجہ مرکوز کی گئی۔

نگہت سلطانہ کا لکھا ہوا ڈرامہ معاشرے کی اخلاقیات پر سوال اٹھاتا ہے جہاں نام نہاد شائستگی اور بھوک سب سے بڑا مسئلہ ہے۔

ڈرامے میں شازیہ عدنان اور سمیرا علی نے بہترین پرفارمنس دی، شازیہ عدنان کہتی ہیں اس طرح کردار ادا کرنا آسان نہیں ہوتا۔

ڈرامے کے موضوع اور فنکاروں کی پرفارمنس سے شائقین بھی خوب محظوظ ہوئے۔

شرکا کا کہنا تھا کہ معاشرے کے سیاہ پہلو کو ڈرامائی انداز سے پیش کرکے مسائل پر روشنی ڈالنا یقیناً ہمت کا کام ہے۔