منگل کو بھی کمپیوٹر اور جنرل سائنس کے پرچے لیک ہوگئے تھے۔ نقل مافیا نے واٹس ایپ گروپوں میں دوسرے دن بھی پرچہ آؤٹ کردیا۔

ثانوی تعلیمی بورڈ کراچی کے چیئرمین شرف علی شاہ نے کہا ہے کہ کراچی میں جہاں سے دورے کیے ہیں وہاں سب کچھ ٹھیک چلتا پایا۔

میڈیا سے گفتگو میں شرف علی شاہ نے کہا کہ جہاں جہاں شکایات موصول ہوئی تھیں وہاں شواہد نہیں ملے۔ امتحانات میں شدید بدنظمی سامنے آنے کے بعد بظاہر تاویل پیش کرتے ہوئے ثانوی تعلیمی بورڈ کے چیئرمین نے کہا کہ ہماری حکمتِ عملی یہ ہے کہ بعض سینٹرز میں پرچے دیر سے پہنچائے جائیں۔

ایک سوال پر شرف علی شاہ نے میڈیا نے بعض امتحانی مراکز میں بجلی کی لوڈ شیڈنگ سے متعلق بتایا ہے۔ ہم نے کے الیکٹرک کو خط لکھا ہے۔

شرف علی شاہ کا کہنا تھا ہماری کوشش ہے کہ امتحانی مراکز وہاں بنائے جائیں جہاں فرنیچر اور دیگر سہولتیں ہوں۔ یہ بدقسمتی کی بات ہے کہ کراچی کے بہت سے سرکاری تعلیمی اداروں میں فرنیچر نہیں۔

واضح رہے کہ کراچی کے بہت سے علاقوں میں بنائے جانے والے امتحانی مراکز میں سہولتوں کے فقدان کی خبریں تواتر سے آرہی ہیں۔