نجی ٹی وی کے پروگرام میں گفتگو کرتے ہوئے رانا ثنااللہ نےکہا کہ ہم تو ملک کو آگے لے جانے کے لئے شروع سے ہی ساتھ بیٹھنے کے خواہاں ہیں، لیکن بانی پی ٹی آئی سیاسی جماعتوں کے ساتھ بیٹھنے کو تیار نہیں۔

سانحہ 9 مئی کے حوالے سے بات چیت کرتے ہوئے ان کا کہنا تھا کہ حکومت سمجھتی تھی کہ پی ٹی آئی والے ویسے ہی احتجاج کریں گے جیسے سیاسی لوگ کرتے ہیں، لیکن انہوں نے جو کچھ کیا حکومت اس کے لیے تیار نہیں تھی۔

سابق وزیر داخلہ نے کہا کہ دفاعی ادارے کی تنصیبات پر حملہ ہونے پر فیصلہ کیا گیا تھا کہ ٹرائل ملٹری کورٹ میں ہوگا۔ اگر آرمی ایکٹ کے تحت ٹرائل ہونے دیا جاتا تو 30 دنوں میں فیصلے ہوجاتے۔

ان کا کہنا تھا کہ ٹرائل سے قبل ہی اسٹے ہوگیا، ٹرائل ہوگا تو کسی کو سزا ہوگی۔