شاہدرہ میں گلی میں کھیل کے دوران بچے آپس میں لڑ پڑے۔ جب لڑائی بڑھی تو ٹریفک وارڈن عرفان اپنے بھائی کے ساتھ بیچ بچاؤ کرانے پہنچا۔ تکرار کے دوران معاملات اُس وقت بے قابو ہوگئے جب ملزمان نے فائرنگ کرکے دونوں بھائیوں کو شدید زخمی کردیا۔

نازک حالت کے پیشِ نظر عرفان اور اس کے بھائی کو تیزی سے اسپتال منتقل کیا گیا جہاں زخموں کی تاب نہ لاتے ہوئے عرفان نے دم توڑ دیا۔

جاں بحق ہونے والے وارڈن کے پس ماندگان میں بیوہ اور پانچ بیٹے شامل ہیں۔