سیئٹل کے باہر مائیکروسافٹ کے ایک سابق ایگزیکٹو کے گھر فنڈ جمع کرنے کے لیے منعقد کی گئی ایک حالیہ تقریب میں بائیڈن نے کہا کہ ’اگر حماس اسیر یرغمالیوں کو رہا کر دے تو اسرائیل اور حماس کے درمیان“کل“ ہی جنگ بندی ممکن ہے۔‘

اسرائیلی مندوب نے اقوام متحدہ چارٹر کے سب کے سامنے چیتھڑے کر ڈالے، ویڈیو وائرل

بائیڈن نے اپنے بیان میں بتایا کہ ’اسرائیل نے کہا یہ حماس پر منحصر ہے۔ اگر وہ یہ کرنا چاہیں تو ہم اسے کل ختم کر سکتے ہیں۔ اور جنگ بندی کل سے شروع ہو جائے گی۔‘

امریکی صدر نے بدھ کو اسرائیل کو خبردار کیا تھا کہ اگر اس کی افواج نے جنوبی غزہ کے شہر رفح پر حملہ کیا تو وہ توپ خانے کے گولے اور دیگر ہتھیاروں کی فراہمی بند کر دیں گے۔

غزہ کو راکھ کا ڈھیر بنانے میں بھارتی گولا بارود کا کردار بے نقاب

انہوں نے اس حقیقت پر افسوس کا اظہار کیا کہ امریکی بم گرانے سے عام شہری مارے گئے تھے۔

بائیڈن نے سی این این کو ایک ٹی وی انٹرویو میں کہا تھا کہ ’اگر وہ (اسرائیلی) رفح کا رخ کرتے ہیں تو میں وہ ہتھیار فراہم نہیں کروں گا جو شہروں میں استعمال کیے گئے ہیں۔‘

علاوہ ازیں حماس اور اسرائیل اب تک بالواسطہ مذاکرات کے متعدد دوروں کے باوجود جنگ بندی معاہدہ طے کرنے میں ناکام رہے ہیں۔