پولیس نے تھانہ گوگیرہ کے بعد تھانہ بی ڈویژن میں بھی گینگ کیخلاف مقدمہ درج کرلیا۔ نیا مقدمہ متاثرہ طالب علم کے والد کی مدعیت میں درج کیا گیا۔

مدعی کے مطابق بیٹے نے روتے ہوئے اہل خانہ کو جنسی ہراسگی کے حوالے سے آگاہ کیا، ملزمان نے بات نہ ماننے کی صورت میں فحش ویڈیو جاری کرنےکی دھمکی دی۔

اس حوالے سے ڈی پی او طارق عزیز کا کہنا ہے کہ ملوث ملزمان کی گرفتاری کے لیے دائرہ وسیع کردیا ہے، ملوث ملزمان جلد قانون کے شکنجے میں ہوں گے۔

یاد رہے کہ ایک روز قبل اوکاڑہ میں پولیس نے لڑکی بن کر نو عمر لڑکوں کو جھانسہ دیکر فحش ویڈیو بنانے والا گروہ کے سرغنہ کو گرفتار کیا، تاہم سرغنہ کی گرفتاری کے باوجود بلیک میل کرنے والا گروہ پھر سرگرم ہوگیا۔