جی ہاں! سارڈینیا کے ساحل پر آنے والے سیاح وہاں کے خوبصورت پتھر، ریت اور شیلز کو جمع کر کے اپنے ساتھ چوری کرکے لے جارہے ہیں۔

جس سے تنگ آکر اطالوی حکام کی جانب سے سیاحوں پر بھاری جرمانہ عائد کرنے کی تیار کی جا رہی ہے۔

غیر ملکی میڈیا رپورٹس کے مطابق جنت جیسے ساحل کی چیزیں چوری کرنے کا معاملہ اتنا شدت اختیار کر گیا کہ اس کی روک تھام کے لیے اٹلی کے حکام نے سیاحوں کے خلاف 3,000 یورو (پاکستانی 9 لاکھ روپے سے زائد) بھاری جرمانہ عائد کرنے کا فیصلہ کیا ہے۔

رواں برس کئی افراد سارڈینیا کی قدرتی دولت چوری کرنے کی کوشش میں رنگے ہاتھوں پکڑے جا چکے ہیں۔

ایک فرانسیسی جوڑے کو 2019 میں سارڈینیا کے ساحل سمندر سے 40 کلوگرام ریت جمع کرتے ہوئے گرفتار کیا گیا تھا جنہیں 6 سال قید کی سزا سنائی گئی تھی۔