غیرملکی خبررساں اداروں کے مطابق افغانستان کی وزارت داخلہ کے ترجمان عبدالمتین قانی نے ’اے ایف پی‘ کو 4 ہلاکتوں کی تصدیق کرتے ہوئے کہا کہ ہلاک ہونے والے افراد جمعے کی شام بامیان شہر میں فائرنگ سے مارے گئے۔

انہوں نے مزید کہا کہ مزید چار غیر ملکی اور 3 افغان زخمی ہوئے۔ دوسری جانب اسپین کی وزارت خارجہ کا کہنا تھا کہ مرنے والوں میں سے 3 ہسپانوی سیاح تھے۔

انہوں نے مزید کہا کہ کم از کم ایک اور ہسپانوی شہری زخمی ہوا۔ ہسپانوی وزیر اعظم پیڈرو سانچیز نے ایکس پر پوسٹ کیا افغانستان میں ہسپانوی سیاحوں کے قتل کی خبر افسوسناک ہے۔

دوسری جانب یورپی یونین نے اس حملے کی سخت ترین الفاظ میں مذمت کی ہے۔