نجی چینل کے پروگرام میں گفتگو کرتے ہوئے اویس لغاری نے واضح کیا کہ آئی ایم ایف کی جانب سے ایسی کوئی شرط نہیں کہ نیٹ میٹرنگ کو گراس میٹرنگ میں تبدیل کردیا جائے۔

وزیراعظم نے نیٹ میٹرنگ نرخ کے ضوابط میں ترمیم کی ہدایت کردی

انہوں نے کہا کہ گزشتہ 2 برس کے مقابلے میں 5 کلو واٹ سولر سسٹم کی قیمت میں غیر معمولی کمی آئی ہے جس کے باعث سولر سسٹم پر لگائی گئی قیمت کی ریکوری بہت کم مدت میں ہورہی ہے۔

اویس لغاری نے مزید کہا کہ ٹرانسمیشن سسٹم کی کمزوری کی وجہ سے بجلی کے فی یونٹ ریٹ میں 2 سے 3 روپے زیادہ ہوجاتے ہیں جب کہ بجلی تقسیم کار کمپنیوں میں چوری اور مافیاز چل رہے ہیں جس کی وجہ سے بھی 5 روپے تک کا فرق ہے۔

سولر پینلز کی بے تحاشا انسٹالیشن: حکومت نے نیٹ میٹرنگ نرخ گرانے کی تیاری کر لی

وزیر توانائی نے کہا کہ بعض تقسیم کار کمپنیوں کی نجکاری کرنا چاہ رہے ہیں جس سے قیمتوں میں کمی ہوگی۔