لاہور میں ہیئر کے علاقے میں20 سالہ ماریہ نامی لڑکی مبینہ طور پر سسرالیوں کے تشدد کا نشانہ بننتے ہوئے جان کی بازی ہار گئی ۔ پولیس کا کہنا ہے کہ ماریہ کا شوہر اسے میکے سے بار بار پیسے لانے کا کہتا ہے۔ جس پر ماریہ نے انکار کیا تو اس کے شوہر اور سسرالیوں نے مبینہ تشدد کے بعد اس کا گلا دبا کر قتل کردیا۔

مقامی پولیس اور فرانزک ٹیم نے موقع پر پہنچ کر شواہد اکھٹے کرلیے۔ پولیس نے لاش کو تحویل میں لیکر پوسٹمارٹم کے لیے ڈیڈ ہاؤس منتقل کردی۔

ایس پی کینٹ کہتے ہیں مقتولہ کے والد کی مدعیت میں نامزد ملزمان خاوند اللہ دتہ، سرور اور رشیداں بی بی کے خلاف فوری مقدمہ درج کر لیا گیا ہے۔

ڈی آئی جی آپریشنز نے واقع کا نوٹس لیتے ہوئے ایس پی کینٹ سے رپورٹ طلب کر لی، ڈی آئی جی آپریشن کہتے ہیں ملزمان کو جلد گرفتار کر کے قانون کے کٹہرے میں لائیں گے۔