حال ہی میں بھی کچھ ایسا ہی ہوا، بھارتی ریاست اتر پردیش میں ہونے والی ایک شادی میدان جنگ بن گئی جس کی وجہ دولہا کی مبینہ نازیبا حرکت تھی۔

شادی شدہ مسلمانوں کے ناجائز تعلقات پر بھارتی عدالت کا فیصلہ

بھارتی میڈیا رپورٹس کے مطابق دولہا نے اپنی شادی والے دن مہمانوں کے سامنے دلہن کو سرعام بوسہ دے دیا جس کے بعد لڑکی کے اہلِ خانہ دولہا پر چڑھ دوڑے۔

دولہا کی طرف سے کی جانے والی اس حرکت کے بعد سسرالی ڈنڈوں کے ساتھ اسٹیج پر آئے اور انہوں نے دولہا سمیت اس کے اہلِ خانہ کو بھی تشدد کا نشانہ بنایا۔

تصادم کے دوران دلہن کے والد سمیت 7 افراد زخمی ہوئے۔

بھارت : شادی میں ہاتھیوں کا دھاوا، دلہا دلہن موٹرسائیکل پر فرار

واقعے کے بعد پولیس وہاں پہنچی اور دونوں خاندانوں کے سات افراد کو حراست میں لے لیا گیا اور زخمیوں کو مقامی اسپتال منتقل کیا گیا۔

پولیس کے مطابق دلہن کے والد نے پیر کی رات اپنی دونوں بیٹیوں کی شادیاں رکھی تھیں۔ پہلی شادی بغیر کسی پریشانی کے اختتام پذیر ہوئی، جبکہ دوسری شادی کی تقریب میدان جنگ میں تبدیل ہوگئی۔

دلہن والوں کا الزام ہے کہ دولہا نے زبردستی دلہن کا بوسہ لہا، جبکہ دولہا کا کہنا ہے دلہن نے اصرار کیا کہ وہ اس کا بوسہ لے۔