بھارت کے دارالحکومت دہلی میں بھی اب کے شدید گرمی پڑ رہی ہے۔ شہر کے مختلف علاقوں میں ویدر اسٹیشن قائم ہیں جہاں درجہ حرارت ریکارڈ کیا جاتا ہے۔

بدھ کو دہلی کے منگیش پور ویدر اسٹیشن میں درجہ حرارت 52.3 سینٹی گریڈ ریکارڈ کیا گیا جو شہر کی معلوم تاریخ کا ریکارڈ ہے۔ این ڈی ٹی وی نے اسے ملک کی تاریخ کا بلند ترین درجہ حرارت بتایا ہے۔ ساتھ ہی ساتھ شہر میں بجلی کی طلب 8302 میگاواٹ ہوگئی۔ یہ بھی دہلی میں بجلی کی اب تک کی سب سے بڑی طلب ہے۔

انتہائی گرمی پڑنے کے بعد دہلی کے چند علاقوں میں ہلکی بارش بھی ہوئی۔ بارش ہونے پر شہریوں نے سکون کا سانس لیا۔ ماہرین کا کہنا ہے کہ انسان کے ہاتھوں ماحول کو پہنچنے والے نقصان کے باعث موسموں کے پیٹرن میں انتہائی تبدیلیاں رونما ہو رہی ہیں۔