ایف بی آر کی جانب سے نان فائلرز کے خلاف کارروائی کے مثبت اثرات سامنے آنے لگے ہیں۔

ایف بی آر ذرائع کے مطابق اب تک 7 ہزار 167 افراد کی موبائل سمز بحال کردی گئی ہیں، مذکورہ افراد کی سمز ٹیکس گوشوارے جمع کروانے پر بحال کی گئیں۔

سمز بند کرنے پر حکم امتناع نہیں، حکومتی آرڈر اب بھی برقرار ہے، اسلام آباد ہائیکورٹ

سمیں بلاک کرنے سے نہیں، نجی کمپنیوں کیخلاف کارروائی سے روکا تھا، اسلام آباد ہائیکورٹ

ذرائع کا کہنا ہےکہ اب تک 65 ہزار نان فائلرز کا ڈیٹا ٹیلی کام کمپنیوں سے شیئرکیا گیا، ٹیلی کام کمپینوں کو نان فائلرزکی موبائل سمز بلاک کرنے کی ہدایت کی گئی۔

ذرائع کے مطابق مجموعی طور پر 5 لاکھ 6 ہزار 671 نان فائلرز کی فہرست تیارکی گئی تھی۔

خیال رہے کہ انکم ٹیکس جنرل آرڈر کے تحت ان افراد کی سمز بتدریج بند کرنےکا فیصلہ ہوا تھا۔