ایڈیشنل ڈسٹرکٹ اینڈ سیشن جج غربی کی عدالت میں تاجر کے گھر ڈیڑھ کروڑ روپے سے زائد کی ڈکیتی کیس کی سماعت ہوئی۔

دوران سماعت عدالت نے کہا کہ پولیس افسران کو انتقامی کارروائی کا نشانہ بنانے کے لیے مقدمہ درج کیا گیا۔

کراچی: پولیس یونیفارم میں ملبوس اہلکاروں کی کروڑوں کی ڈکیتی

عدالت نے ڈی ایس پی عمیر طارق بجاری سمیت 18 ملزمان کی بریت کی درخواست کا تحریری فیصلہ جاری کردیا۔

تحریری فیصلے میں کہا گیا کہ مدعی مقدمہ پر دباؤ ڈال کر مقدمہ درج کرایا گیا تھا تاکہ پولیس افسران کو انتقام کا نشانہ بنایا جاسکے، مدعی کو مقدمے کے اندراج سے قبل اس کی اشیاء مل گئی تھیں، مدعی مقدمہ اور گواہوں نے بیان حلفی دیا کہ ان کے تحفظات دور ہوچکے ہیں۔

فیصلے کے مطابق واقعے کے 2 روز بعد ڈی آئی جی ویسٹ کے دباؤ پر مقدمہ درج کرایا تھا، مدعی نے کہا وہ عدالت میں موجود عمیر طارق بجاری سمیت کسی کو نہیں پہچانتا لہذا ملزمان کو اس کیس میں سزا نہیں ہوسکتی۔

تحریری فیصلے میں مزید کہا گیا کہ عدالت عمیر طارق بجاری اور دیگر 18 ملزمان کی بریت کی درخواست منظور کرتی ہے۔

کراچی: ڈکیتی میں ملوث ڈی ایس پی عمیر طارق کی ضمانت منظور

اورنگی ٹاون ڈکیتی: گرفتار ڈی ایس پی مزید 2 بڑی وارداتوں میں ملوث نکلا

بعدازاں عدالت نے ڈی ایس پی عمیر طارق بجاری سمیت 18ملزمان کو باعزت بری کردیا۔