سینئر صوبائی وزیر مریم اورنگزیب نے کہا ہے کہ پانچ جون سے خلاف ورزی کرنے والے مالکان کو بھاری جرمانے ہوں گے۔

انہوں نے کہا کہ 75 مائیکرون سے کم حجم کے پولیتھین بیگز کے استعمال پر پابندی ہے، سنگل یوز پلاسٹک کے برتنوں پر بھی مکمل پابندی عائد ہے۔

ٹانک شہر میں پلاسٹک کے شاپنگ بیگز صحتِ عامہ کیلئے خطرہ بن گئے

مریم اورنگزیب نے کہا کہ عوام کے شعور کیلئے ’’پلاسٹک موت ہے‘‘ کے موضوع پر آگاہی مہم کا آغاز کیا جائے گا، پبلک سروس میسجز سوشل میڈیا کے ذریعے وائرل کئے جائیں گے اور پلاسٹک بیگز کی جگہ کاٹن بیگز یا متبادل ذرائع کی تیاری اور استعمال کو فروغ دیا جائے گا۔

ان کا کہنا تھا کہ پلاسٹک موت ہے، اس کے زہریلے ذرات سے ہم سب کو بچنے کیلئے مل کر کوشش کرنا ہوگی۔