پاکستان کے ایک سینیئر اور تجربہ کار آرٹسٹ نے بہت سی فلموں اور ڈراموں میں کام کیا ہے۔ چونکہ ان کا تعلق پی ٹی وی کےسنہری دور کے اداکاروں سے ہے۔ وہ نوجوان ٹیلنٹ کے لئے ایک ادارے کی حیثیت رکھتے ہیں، لیکن بدقسمتی سے انہیں وہ ماحول اور مواقع میسر نہیں ،جیسے پرانے زمانے میں ہوا کرتے تھے۔

اورنگزیب لغاری لاہور میں مقیم ہیں اور وہ زیادہ ڈراموں میں اداکاری نہیں کر رہے ہیں۔ انہوں نے حال ہی میں دیے گئے ایک انٹرویو میں کہا کہ انہوں نے فرنیچر کا کاروبار شروع کیا ہے۔

ان کا کہنا تھا کہ، لاہور میں زیادہ ڈراموں کی شوٹنگ نہیں ہو رہی اور لاہوری اداکاروں کو کراچی میں سائیڈ لائن کیا جا رہا ہے۔ انہوں نے کہا کہ یہ ٹھیک ہے، کیونکہ ہر کوئی ان لوگوں کے ساتھ کام کرنا چاہتا ہے جن کے آس پاس وہ آسانی محسوس کرتے ہوں۔

انہوں نے مزید مشورہ دیا کہ تمام نئے اور پرانے اداکاروں کو سائیڈ بزنس کرنا چاہئے، کیونکہ حکومت کبھی بھی کسی فنکار کو سپورٹ نہیں کرتی ہے۔

ابرار الحق نے جواد احمد کو حاسد اور ناکام قرار دے دیا

اداکاری کے مواقع نہ ہونے کی وجہ سے اورنگ زیب لغاری کے فرنیچر کا کاروبار شروع کرنے پر کئی صارفین نے ان کی حوصلہ افزائی کی ہے، جبکہ بعض صارفین نے سینیئر آرٹسٹوں کی ناقدری پر دکھ اور افسوس کیا ہے۔