بشری بی بی نے وکیل سلمان صفدر کے ذریعے اسلام آباد ہائیکورٹ میں درخواست دائر کی۔

بشریٰ بی بی نے عدالت سے سزا معطل کرکے ضمانت پر رہائی کی استدعا بھی کر دی۔

سول کورٹ نے بشریٰ بی بی کو کیس میں 7 سال قید کی سزا سنائی تھی۔

بشری بی بی کی سیشن کورٹ میں بھی سزا معطلی کی درخواست زیر التوا ہے۔

درخواست میں استدعا کی گئی کہ سزا معطلی کی درخواست کو سن کر اس پر جلد فیصلہ کیا جائے۔

تاہم، بشریٰ بی بی کی سزا معطلی کی درخواست پر اسلام آباد ہائیکورٹ دائری برانچ نے تین اعتراضات عائد کردئے۔

رجسٹرار آفس نے درخواست پر کہا کہ سیشن کورٹ میں سزا معطلی زیرا لتوا ہے، تو درخواست ہائیکورٹ میں کیسے دائر ہوسکتی ہے؟ درخواست میں ماتحت عدالت کے کونسے آرڈر کو چیلنج کیا گیا ہے؟ اور دوعدالتوں سے ایک ہی قسم کا ریلیف کیسے لیا جاسکتا ہے؟