سری لنکا اور نیپال کے درمیان ہونے والا ٹی 20 ورلڈ کپ کا 23 واں میچ فلوریڈا کے شہر لوڈرہل میں کھیلا جانا تھا تاہم میچ بارش کی نذر ہوگیا۔

فلوریڈا میں ہونے والے سری لنکا اور نیپال کے درمیان گروپ ڈی کے میچ کا ٹاس بارش کی وجہ سے تاخیر کا شکار ہوا تاہم مسلسل بارش کی وجہ سے بغیر ٹاس ہوئے ہی میچ کو ختم کر دیا گیا۔

نیپال نے آج ایونٹ کا اپنا دوسرا جبکہ سری لنکا نے تیسرا میچ کھیلنا تھا جبکہ سری لنکا کو اپنے دونوں میچز میں شکست ہوئی جبکہ نیپال کی ٹیم نے ابھی تک ٹی 20 ورلڈ کپ کا کوئی میچ نہیں جیتا اور وہ بھی اپنا پہلا میچ ہار چکا ہے۔

بارش کے باعث میچ منسوخ ہونے کی صورت میں دونوں ٹیموں کو ایک ایک پوائنٹ دے دیا گیا۔