سندھ حکومت نے عید الاضحیٰ کے موقع پر تعطیلات کا نوٹیفکیشن جاری کردیا، جاری نوٹیفکیشن کے مطابق صوبائی حکومت کے ماتحت اداروں میں پیر17 جون سے بدھ 19 جون تک چھٹیاں ہوں گی۔

پاکستان میں 17 پیر جون کو عید الاضحیٰ مذہبی عقیدت و احترام کے ساتھ منائی جائے گی اور اس موقع پر وفاقی حکومت نے بھی عید کی مناسبت سے تعطیلات کا اعلان کردیا ہے۔

اس سے قبل چند روز پہلے وفاقی حکومت نے بھی عیدالاضحٰی کے موقع پر 3 چھٹیاں دینے کا اعلان کیا تھا، جس کا کابینہ ڈویژن نے نوٹیفکیشن بھی جاری کردیا تھا۔

نوٹیفکیشن کے مطابق عید الاضحٰی کے موقع پر 17 سے 19 جون تک چھٹیاں ہوں گی، ہفتہ (15 جون) اور اتوار (16 جون) کو پہلے ہی سرکاری تعطیل ہوتی ہے۔

واضح رہے کہ 7 جون کو پاکستان کے بیشتر علاقوں میں ذی الحج کا چاند نظر آ گیا تھا، عیدالاضحیٰ 17 جون 2024 بروز پیر کو ہو گی۔