سابق اداکارہ ثناء خان ان دنوں اپنے 11 ماہ کے بیٹے, سید طارق جمیل کے ساتھ دوسرا حج ادا کرنے کے لیے سعودی عرب کے شہر مکہ مکرمہ میں موجود ہیں۔

ثانیہ مرزا حج کے سفر کے لیے تیار

ثنا نے 2022 میں اپنا پہلا حج مکمل کیا تھا۔ اس روحانی سفر میں ان کے ساتھ ہندوستانی ٹینس اسٹار ثانیہ مرزا اور ان کی بہن انعم مرزا بھی شامل ہیں، جو دونوں پہلی بار حج کر رہی ہیں۔

ثنا خان نے منگل کی رات مرزا بہنوں کے ساتھ ایک گروپ تصویر شیئر کی، جس کے کیپشن میں عمرہ مکمل کرنے اور حج کی رسومات کا بے صبری سے انتظار کرنے کے بارے میں جوش و خروش کے ساتھ لکھا گیا۔ انہوں نے لکھا کہ الحمدللہ عمرہ مکمل ہونے کے بعد ہمارے حج اراکان کے شروع ہونے کا انتظار نہیں کیا جا سکتا۔ تصویر نے تیزی سے توجہ حاصل کی اور سوشل میڈیا پر وائرل ہوگئی۔

حال ہی میں کرکٹر شعیب ملک سے علیحدگی اختیار کرنے والی ثانیہ مرزا نے سوشل میڈیا پر اپنے جذبات کا اظہار کیا۔ ایک دلی پیغام میں انہوں نے ماضی میں کی گئی کسی بھی غلطی کے لئے معافی مانگی اور تبدیلی کے تجربے کی امید ظاہر کی۔ انہوں نے لکھا کہ ’جب میں اس تبدیلی کے تجربے کی تیاری کر رہی ہوں تو میں عاجزی کے ساتھ کسی بھی غلط کام اور کوتاہی کے لیے آپ سے معافی مانگتی ہوں۔‘

ثانیہ مرزا نے کہا کہ میں بہت خوش قسمت ہوں اور بے حد شکر گزار ہوں۔ برائے مہربانی مجھے اپنے خیالات اور دعاؤں میں رکھیں۔ مجھے امید ہے کہ میں ایک عاجز دل اور مضبوط ایمان کے ساتھ ایک بہتر انسان کے طور پر واپس آؤں گی۔ ثانیہ مرزا کے ساتھ ان کی بہن انعم مرزا اور کرکٹر اظہر الدین کے بیٹے اسد الدین بھی ہیں۔

انعم مرزا نے بھی انسٹاگرام پر اپنے جذبات کا اظہار کرتے ہوئے حج کو ایک گہرا روحانی تجربہ قرار دیا۔

ثنا، ثانیہ اور انعم کی مزید تصاویر اور اپ ڈیٹس کا مداحوں کو بے صبری سے انتظار ہے، کیونکہ وہ ایک ساتھ حج مکمل کر رہی ہیں۔