حج کی سعادت حاصل کرنے کے لیے لاکھوں عازمین مکہ میں موجود ہیں اسی تناظر میں فیک نیوز یا فیک فوٹو کی سوشل میڈیا پر بھی بھرمار ہے۔ عمران خان کے دونوں بیٹوں کی تصاویر تیزی سے واٹس ایپ پر بھی وائرل ہورہی ہیں۔

واٹس ایپ پر وائرل ہونے والے تصاویر کے ساتھ مذکورہ کیشن درج ہے کہ “بریکنگ نیوز! عمران خان کے دونوں صاحب زادے اس سال حج کی سعادت حاصل کرنے بیت اللہ میں موجود ہیں۔ اللہ ہم سب کو حج کرنے کی توفیق عطا فرمائے۔ آمین

گوگل ریورس امیج کے نتیجے میں کوئی متعلقہ نتائج نہیں ملے۔ جس کے بعد تصویر میں سلیمان اور قاسم خان کے چہروں کو دھندلا کر دیا اور دوبارہ ریورس امیج کیا تو اس کے نتیجے میں 24 مارچ 2023 کو بھارتی اشاعت لوک مت نیوز ہندی کا ایک مضمون ملا جس کا عنوان تھا۔ جس سے معلوم ہوا کہ یہ تصویر بھارتی اداکار عاصم ریاض اور علی گونی کی تھی جو اس وقت لی گئی جب وہ عمرہ کے لیے روانہ ہو رہے ہیں۔

اسی تصویر کو استعمال کرتے ہوئے عمران خان کے بیٹوں کی چہرے لگادیے گئے۔ مزید برآں، سلیمان اور قاسم خان کے حج پر جانے کی کوئی مصدقہ اطلاعات نہیں ہیں۔ ان کی والدہ اور عمران خان کی سابقہ ​​اہلیہ جمائما گولڈ اسمتھ پہلے ہی واضح کر چکی ہیں کہ ان کے بیٹے سوشل میڈیا پر نہیں ہیں۔