سعودی محکمہ موسمیات نے کہا ہے کہ اگلے سال کا حج شدید گرمی میں آخری حج ہوگا۔ اِس کے بعد مسلسل 6 سے 8 حج موسمِ بہار میں آئیں گے۔

اِس کے بعد سردیوں میں حج سیزن آیا کرے گا اور وہ سلسلہ بھی 8 سال چلے گا۔ یوں مجموعی طور پر 16 سال تک لوگ خاصے پُرسکون ماحول میں حج کریں گے۔

اب کے حج کے دوران شدید گرمی سے بچاؤ کے لیے غیر معمولی انتظامات کیے گئے تھے اور سعودی حکومت نے حجاج کو زیادہ سے زیادہ سہولتیں فراہم کرنے کی کوشش کی تھی۔

حجاج کو ہیٹ ویو اور ہیٹ اسٹروک سے بچانے کی بھرپور کوشش کی گئی۔ معمر افراد کے لیے موسم کی سختی ناقابلِ برداشت تھی۔

سعودی محکمہ موسمیات کے ترجمان حسین القحطانی کا کہنا ہے کہ اگلا حج شدید گرمی میں آخری ہوگا۔ اس کے بعد حج سیزن بتدریج معتدل موسم کی طرف کھسکتا جائے گا۔