رپورٹ کے مطابق 9 مئی 2023 کے بعد سے اب تک 4770 افراد کو ایم پی او آڈر کے تحت نظر بند کیا گیا، پی ٹی آئی کارکنان سمیت دیگر کے خلاف 3532 ایم پی او آڈرز جاری کیے گئے۔

عدالت میں پیش کی گئی رپورٹ کے مطابق 3511 افراد ایم پی او آڈرز واپس لینے کی بنا پر رہا ہوئے، راولپنڈی، گجرانوالہ اور لاہور میں سب سے زیادہ ایم پی او آڈرز جاری کیے گئے۔

رپورٹ کے مطابق ملتان، لاہور اور راولپنڈی میں سب سے زیادہ افراد کو ایم پی او آڈرز کے تحت گرفتار کیا گیا، راولپنڈی میں 348، گوجرانوالہ میں 328 اور لاہور میں 301 ایم پی او آڈرز جاری ہوئے جبکہ ملتان میں 739، لاہور میں 642 اور راولپنڈی میں 384 افراد کو نظر بند کیا گیا۔

واضح رہے کہ پی ٹی آئی رہنما زینب عمر نے ایم پی او آڈرز کی تفصیلات کیلئے لاہور ہائیکورٹ سے رجوع کیا تھا۔